ໂນ໊ຕ ອຸດົມ ແຕ້ວານິດ ເຮັດບຸນຜ້າປ່າບູຊາພະທາດຫຼວງ ແລະທຳບຸນຕັກບາດພະເນນ 450 ອົງ 28/03/2016

ໂນ໊ຕ ອຸດົມ ແຕ້ວານິດ ເຮັດບຸນຜ້າປ່າບູຊາພະທາດຫຼວງ ແລະທຳບຸນຕັກບາດພະເນນ 450 ອົງ 28/03/2016


ໂນ໊ຕອຸດົມ ຄົນນິຍົມ ໂດຍທົ່ວໄປ
ດາຣາໄທຍ ນັກຕະຫຼົກ ຊື່ສຽງດັງ
ເຂົາປ່ຽນແປງ ອາຊີບໃໝ່ ໃນຕອນຫຼັງ
ແຕ່ກໍຍັງ ຕະຫຼົກຢູ່ ໝືອນດັ່ງເດີມ
ອາຊີບເກົ່າ ຂອງເຂົາ ຫຼິ້ນຕະຫຼົກ
ແຕ່ກໍຍົກ ຄວາມຮູ້ແຝງ ແຕ່ງຕໍ່ເຕີມ
ຈັດລາຍກາຍ ເປັນດີເຈ ອາຊີບເພີ່ມ
ເພື່ອສົ່ງເສີມ ໃຫ້ຊື່ສຽງ ເດັ່ນດັງດີ
ແຕ່ກ່ອນເຂົາ ມີຊື່ສຽງ ດັງບໍ່ຫຼາຍ
ແຕ່ກໍຂາຍ ຝີມືໄດ້ ຈົນຮັ່ງມີ
ຖ້າທຽບໃສ່ ຕະຫຼົກດັງ ຝີມືດີ
ທຽບດີກຣີ ໝໍ້າຈົກມົກ ຕົກໄປເລີຍ
ການຕະຫຼົກ ວາທະສິນ ບໍ່ກິນຂາດ
ແຕ່ສາມາດ ໃຊ້ຈຸດເດັ່ນ ເປັນເກີນເກີຍ
ໃຫ້ຊື່ສຽງ ເຂົາເດັ່ນດີ ຍາກປຽບເປີຍ
ຢາກຂໍເອີ່ຍ ຈຸດເດັ່ນເຂົາ ນັ້ນແມ່ນຫຍັງ
ໂນ໊ຕອຸດົມ ມີໜ້າຕາ ບໍ່ຫຼໍ່ເຫຼົາ
ແຕ່ວ່າເຂົາ ມີຈຸດເດັ່ນ ຢູ່ທີ່ດັງ
ທັງສົບແຫຼມ ທ່າທີ່ເຂົາ ມີມົນຂັງ
ເຂົາຈຶ່ງດັງ ມາດົນນານ ຜ່ານເວລາ
ນາມສະກຸນ ແຕ້ວານິດ ດີບໍ່ຢອກ
ເປັນກະບອກ ປະກາດຊື່ ໃຫ້ມີຄ່າ
ທັງເຂົາປ່ຽນ ບຸກຄະລິກ ກິລິຍາ
ປ່ຽນວາຈາ ກາຍມາເປັນ ນັກດ່ຽວໄມ
ນັກດ່ຽວໄມ ທີ່ໂດ່ງດັງ ໃນຍຸກນີ້
ເຫັນແຕ່ມີ ເຂົານີ້ລະ ທີ່ຖືກໃຈ
ເຂົາໄປເວົ້າ ໄປສະແດງ ຢູ່ທີ່ໃດ
ຄົນແຫ່ໄປ ຊື່ນຊົມຟັງ ດັ່ງໄປບຸນ
ຫາກທຽບຄົນ ຊົມເຂົາ ຍາມເຂົາເວົ້າ
ກໍໝາຍເອົາ ທຽບໃສ່ກັບ ບຸນທາດຫຼວງ
ບຸນຊ່ວງເຮືອ ແຫ່ສັງຂານ ຢູ່ເມືອງຫຼາຍ
ບໍ່ຕ້ອງຫ່ວງ ບັດເຂົ້າຊົມ ລາຄາແພງ
ໂນ໊ຕອຸດົມ ຮູ້ຈັກໃຊ້ ການຕະຫຼາດ
ເພື່ອປະກາດ ຊື່ສຽງເຂົາ ໄປທຸກແຫ່ງ
ນອກຈາກຈັດ ລາຍການ ແລະສະແດງ
ຍັງຈັດແຈງ ອອກໄປສູ່ ໝູ່ຝູງຊົນ
ການຊ່ວຍເຫຼືອ ບໍລິຈາກ ຄົນທຸກຍາກ
ຄົນລຳບາກ ປະສົບໄພ ທົ່ວທຸກຫົນ
ທັງຕົວເມືອງ ບ້ານນອກ ທຸກຕຳບົນ
ໃນຊຸມຊົນ ແດນໃດ ໄປຈົນເຖິງ
ຕົ້ນປີນີ້ ເຂົາຕິດຕໍ່ ມາທາງລາວ
ປະກາດຂ່າວ ສັດທາໃສ ໃຈລື່ນເລີງ
ຍາກມາຂໍ ທຳບຸນ ຖວາຍພະເພີງ
ລະນືກເຖິງ ດວງວິນຍານ ຍາທ່ານໃຫຍ່
ຫຼືວັນໃດ ກໍໄດ້ ຊິຈັດໃຫ້
ແຕ່ຢາກໄດ້ ສະຖານທີ່ ຢູ່ພາຍໃນ
ວັດອົງຕື້ ຮ່ວມໃນງານ ຍາທ່ານໃຫຍ່
ນິມົນພະ ໃຫ້ໄດ້ ໜຶ່ງພັນອົງ





ໂນ໊ຕ ອຸດົມ ແຕ້ວານິດ ເຮັດບຸນຜ້າປ່າບູຊາພະທາດຫຼວງ ແລະທຳບຸນຕັກບາດພະເນນ 450 ອົງ 28/03/2016 ໂນ໊ຕ ອຸດົມ ແຕ້ວານິດ ເຮັດບຸນຜ້າປ່າບູຊາພະທາດຫຼວງ ແລະທຳບຸນຕັກບາດພະເນນ 450 ອົງ 28/03/2016 Reviewed by Jira Dhamma on 04:34:00 Rating: 5

ไม่มีความคิดเห็น :

ขับเคลื่อนโดย Blogger.